សម្តេចតេជោ ជំរុញអោយយកចិត្តទុកដាក់លើយុត្តិធម៌សង្គម
25-March-2019 | ដោយ ពលមនសិការ
ភ្នំពេញ៖ នៅថ្ងៃទី២៥ ខែមីនា ឆ្នាំ២០១៩ ក្នុងពេលដែលសម្តេចតេជោ ហ៊ុន សែន នាយករដ្ឋមន្ត្រី បានអញ្ជើញផ្តល់កិតិ្តយសចែកសញ្ញាបត្រដល់និស្សិតនៃ សាកលវិទ្យាល័យភ្នំពេញអន្តរជាតិ (PPIU) នៅវិទ្យាស្ថានជាតិអប់រំ កាលពីព្រឹកមិញនេះ សម្តេចតេជោ បានមានប្រសាសន៍គាំទ្រ និងជំរុញការកែទម្រង់តុលាការអោយមានប្រសិទ្ឋិភាព ដើម្បីស្វែងរកយុត្តិធម៌អោយបាន គឺល្អណាស់។
សម្តេចតេជោ បានមានសប្រសាសន៍ថា ជាការល្អបើគ្រប់ស្ថានីយ៍ទូរទស្សន៍ចាក់បញ្ចាំងរឿងប៉ាវចិនបានមួយវគ្គ មុនពេលចូលគេងគឺជាការល្អ។ សម្តេចតេជោបានលើកឡើងថា ការកាត់ក្តីផ្តល់យុត្តិធម៍របស់ប៉ាវចិន គឺមានកាំបិត៣ប្រភេទគឺ ១)កាំបិតក្បាលឆ្កែ សម្រាប់ចោរប្លន់ ២)កាំបិតក្បាលខ្លា សម្រាប់មន្ត្រី និង៣)កាំបិតក្បាលនាគ សម្រាប់រាជវង្ស។ តាមរយៈការមើលឃើញ និងស្តាប់សវនាការកាត់ក្តីរកយុត្តិធម៌ក្នុងរឿងប៉ាវចិន គឺនឹងធ្វើអោយមន្ត្រីយុត្តិធម៌កាន់តែយកចិត្តទុកដាក់ខ្ពស់លើការងាររបស់ខ្លួន។
សម្តេចតេជោនាយករដ្ឋមន្ត្រី ធ្លាប់បានមានប្រសាសន៍កាលពីពេលថ្មីៗកន្លងមកនេះថា មានអ្នកទោសជាច្រើន ជាពិសេសគឺស្ត្រី ដែលកំពុងជាប់ឃុំដោយពុំបានទទួលការកាត់ក្តីទាន់ពេលវេលា។ សម្តេចតេជោ បានសង្កត់ធ្ងន់ថា ការឃុំខ្លួនមនុស្សយូរ ដោយគ្មានការកាត់ទោស គឺខុសច្បាប់៕
ចំនួនអ្នកទស្សនា
- ថ្ងៃនេះ9041
- ម្សិលមិញ6261
- សប្តាហ៍នេះ27421
- ខែនេះ142571
- ឆ្នាំនេះ142571
- សរុប20585027